MIRROR成員丨姜濤現身海洋公園慶祝生日　過千姜糖合唱生日歌【多圖】

「430」（4月30日）是MIRROR成員姜濤生日，今年姜濤香港後援會精心預備規模空前盛大的生日應援，當中就在今日（4月23日）於海洋公園舉行慈善籌款嘉年華「海洋王國．生日慶典 Keung To Ocean Carnival 2024」。

場內特設一系列慶典限定活動，包括海洋主題打卡佈景板、攤位遊戲、一日限定應援 Café、姜濤個唱服飾及相片展等。在晚上，更將上演以姜濤歌曲作背景音樂之煙火及投影表演等。

MIRROR姜濤生日丨姜濤香港後援會請4月30日免費搭電車　「姜叮」重臨銅鑼灣再變姜濤灣

▼點擊圖片放大

+17

+16

過千姜糖合唱生日歌

雖然今天日間下傾盤大雨，甚至天文台曾發出黃色暴雨警告，但姜糖無懼風雨一早入場，更帶備不同應援物品入場，高峰期的港鐵南港島綫更一度塞滿姜糖。

在下午約4時，姜濤更驚喜現身，從升降台連同蛋糕一齊上台，與眾姜糖見面以答謝支持。

最新影片推介：吳家樂專訪

姜濤向粉絲說：「好多謝每一位支持我嘅Fans，過去呢年對自己嚟講都好唔容易，經歷高潮低潮，之前有懷疑過自己下一次生日會，你哋仲會唔會喺度。」

然後，他續稱：「多謝你哋繼續喺度，真係唔容易，自己有好多地方做得唔足夠，可以再好啲，好多時諗，覺得對唔住大家，會諗你哋鍾意姜濤係咪值得驕傲嘅事。」

▲ 姜濤「海洋王國．生日慶典 Keung To Ocean Carnival 2024」。（姜濤香港後援會提供）

姜濤並感情地說：「25歲，年紀已經唔細，由出道到依家濃縮咗人生好多事，好多磨練，慢慢學習變得成熟、大個，亦提醒自己保持出道初心，希望在坐咁多位鍾意姜濤嘅，當我老喇，留喺大家心中嘅種子，會令下一代有追尋夢想嘅力量，可以話畀身邊人嘅聽有人成功過，呢個人叫姜濤。我未必係一個好完美嘅人，但係會追尋自己夢想，希望你哋下一代可以勇敢追尋夢想。」

接著，他表示：「我會努力加油，會話畀嗰啲對我仲有負面諗法嘅人知道，我會做得更好，我應承大家。」而在場過千粉絲大合唱生日歌，姜濤許願及切蛋糕，他並則清唱《好得太過份》答謝姜糖，場面熱鬧溫馨。

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5